هل تبحث عن فرصة استثمارية بعائد ربحي وبشكل آمن ومضمون ؟
كتير مننا بيبدأ يفكر في طرق مختلفة لإستثمار أموالهم وبيلجأوا لعالم العقارات كواحد من أهم الطرق الإستثمارية ولكن بيبقي السؤال إزاي نختار العقار المناسب ؟
ولأن العقارات بقت موجودة بشكل كبير في السوق فمهمة اختيار أفضل عقار أصبح قرار صعب وحاسم وعلشان كدا هنتكلم النهاردة عن إزاي نقدر نختار أفضل عقار مناسب لتحقيق أفضل استثمار للمال.
في البداية لازم تحدد هدفك من الإستثمار .
هل هدفك مثلا الحصول على دخل شهري من الإيجارات ولا الهدف الاستثمار في العقار ( قيمته تزيد مع مرور الوقت ) ؟
- أنك تحدد هدفك من الإستثمار العقاري دي خطوة هتسهل عليك تحديد العقار اللي هتستثمر فيه
- استثمار العقارات هيكون صفقة مربحة إذا تم اختيار الموقع المناسب .
دلوقتي هقولك بعض النصايح لإختيار موقع العقار وتحقيق أفضل استثمار للمال :
- دراسة السوق وتحليل العرض والطلب :
قبل ما تاخد أي قرار بخصوص استثمار المال في العقارات لازم تعمل دراسة للسوق المحلية وتحليل العرض والطلب علشان كدا شوف دايما المناطق الحيوية اللي تقدر من خلالها تحقق نمو اقتصادي قوي .
- الوصول للمرافق والخدمات :
لازم يكون الموقع بيربط بين أكتر المناطق حيوية ومتوفر فيه المرافق والخدمات الأساسية زي المدارس والمستشفيات ووسائل النقل العام والمطاعم والمتاجر ومحلات التسوق .
- الأمان والسلامة :
لازم يكون الموقع آمن و العقار مزود بنظام أمني قوي.
- النمو والتطوير العقاري :
مدى قابلية الموقع للتطور مع مرور الوقت ( افتتاح محلات وخدمات تواكب العصر ) وبالتالي تحقيق أفضل استثمار للمال .
- البيئة وجودة الحياة :
يكون هدفك دايمًا الأماكن اللي بتربط بين أكتر من نطاق حيوي وتوفر فرص للترفيه والاستجمام .
- كمان لازم تحدد العائد المادي المتوقع من العقار فتقدر مثلا تحسب التكاليف المتعلقة بالشراء والتطوير ويتم مقارنة التكاليف بالإيرادات المتوقعة زي إيجارات العقار والعوائد الرأسمالية المحتملة في حالة بيع العقار مستقبلا مثلا .
- ولازم يكون العائد المادي كبير ويكون متوافق مع الأهداف الاستثمارية الخاصة بيك .
الاستثمار العقاري نوعين :
أولًا – الإستثمار العقاري طويل الأجل:
النوع ده من الإستثمار بيكون بشراء عقارات والاحتفاظ بيها لمدة طويلة بتزيد عن عدة سنوات وغالبا بيكون هدف المستثمر تحقيق ربح شهري من تأجير العقار أو يبيعه بعد عدة سنوات بعد ارتفاع سعره .
ثانيًا – الإستثمار العقاري قصير الأجل:
أمّا في النوع دا من الإستثمار الأرباح بتكون سريعة وفيه بيعتمد على بيع العقار بعد شراءه بفترة قصيرة لا تتعدى العام الواحد . في الحالة دي المُستثمر بيشتري عقار ويجدده علشان قيمته تزيد وبعدها يبيعه بسعر أعلى وبكدا بيكون استثمار على المدى القصير .
ومن أهم أسرار الإستثمار العقاري الناجح ، هو الإستثمار في عقارات جديدة. لأن ده هيساعدك تقلل من تكاليف الصيانة اللي هتضطر تدفعها لو اشتريت عقار قديم مثلا واللي بطبيعة الحال هيحتاج لإجراءات صيانة مكلفة أما لو اشتريت عقار جديد بيضمنلك بنية تحتية صلبة وتصميم عصري هيتناسب مع متطلبات سوق العقارات اليوم .
لا شك في أن الهدف من الاستثمار في المقام الأول هو تحقيق الأرباح وتنمية رأس المال المستثمر من البداية، أو على الأقل المحافظة على رأس المال بدون خسارة أي جزء منه.
وفي النهاية اختيار العقار المناسب للاستثمار بيعتمد على استراتيجية الإستثمار الخاصة بك وأهدافك المالية ، حدد ما ترغب في تحقيقه من الإستثمار ولا تردد في طلب أي إستشارة من خبراء العقارات قبل اتخاذك قرار نهائي .